BIENVENIDO A LA PAGINA, SOBRE LA LENGUA CHATINO DE TATALTEPEC DE VALDÉS, JUQUILA, OAXACA. 

 

k’che lo’o jo’

     Se’e sloo nga k’che lo’o jo’o K’che lo’o jo’o laka ska tunikia ji’i londa’a, nu’u ndu’u kalluu k’che sue ji’i, nu laka siaa, staa tya’, el ocotillo, el ocote y la palma. K’che lo’o jo’o laka ska shañi lo’o tkua’tyaa shañi Tata: tsu Tepetl: kaya Valdés, ljiaa ji’i ska ñate nu naa Antonio valdés, nu kñase yuu ji’i k’che lo’o jo’o cha na tsha’su ngu ji’i. fa’a ña k’che na Tataltepec de vlades o k’che lo’o jo’o.
 

 Ka'ya' lo'o sta'a

K’ che lo’o jo’o ndu’u kia’a ka’ya’ nu naa: ka’ya’ ndaa, lty, ityia ngati, ityia klia’, katya, y ka’ya’ vataa. Lo’o ndu’u kia’a sta’a un naa: sta’ tya’, shku’ shtyi’ i tosta’a o tya tanaa.
 

Kiaa k’chii

 Ngu k’che nduni kiaa cha k’juii o cha k’nujo’o tuni’i ty. ngu kiu’u nduni kiaa lo yuu nyataa nskua’, lo’o ñase vataa, uru, kuayuu o sñii ngu tetyia, lo’o nduni kiaa cha tya’ ni’i ji’i ngu. Ngu kuna’a ndi kiaa toni’i, cha k’ñasee nani ña so’o, kchi, nche’e, lo’o nte’e ngu ityia cha kunejo’o toni’i.
 

Kiaa lo yuu nana’

Ngu kiu’u ndi ngu’ na cha kunejo’o cha tyaa ni’i o chaka na y ngu kuna’a nduni ngu na cha kunejo’o ni ki’. Lo’o ndiña na lo’o juu ña te’jia, te’jue y kshuu.
 

Ni’i

Ni’i nu ndiña ngu ti’i laka nu nya’ lo’o yuu nana’ o yaka lati’ si’. Y ngu nu ndu’u kñi ji’i ndiña ngu ji’i lo’o quee o yuse nsha lo’ cemento.
 

Tanaa
 

Cha katso’o ngu lo’ kcha nejo’o ngu nshe cha katso’o. nu laka nshe, nche so yaca.
 

Nani lo’o yaka nu ndu’u ne k’che

Nani nu nsu’u laka kue’ nshe, kue’, kjui’, kuiña, kluejo’, so’o, priku’, kolo, shuu, chu’, bo’o lo’o chaka naa. Ndu’u yaka ke, yaka yuu, yaka smi tshii, yaka smi sña, yaka mangoo, yaka nsotee, yaka mityie, yaka ja’ba lo’o chaka naa.
 

Nani ityia

Ndu tetyia, kualiaa y sku’.
 

 

Ngu tunikia

 

Lka ñate nu nduni kiaa ne tunikia, ngliana k’che ji’i chan a kjuti’a ngu. Cha fa’a laka costumbre ji’i k’che. Ngu nliana ngu laka: I. Presidente ji’i tunikia. II. Suplente ji’i tunikia. III. Bece’ IV. Giroo ji’i construcción. V. Giroo ji’i skuelyia. VI. Giroo ji’i costrmbre ji’i k’che. VII. Giro ji’i cha kuni tya ngu cha kjuia. VIII. Giroo ji’i tanaa Ta’a nu ta’a ji’i k’che laka nu asunción del señor, y nduni ta’a ngu ji’i ne’ ko’ ji mayuu y ta’a ji’i tajio’o ne ko’ ji’i octubre.
 

Scueliaa

Ndu ska inicial, tkuaa prescolar, sna primaria, ska secundaria y lo’o ska Bachillerato.

Elaborado por: Ricardo Hernández Santiago