IJKINI NOCHINANKO
Nochinanko itoka Ixtlapala, Ixtlapala ki ijtosneki ixtlapaltik eltok ni chinantli uan inakastla pano ueyiojtli. Ni chinanko tlatilantli Tlanchinol tlen Hidalgo altepetl.
Ni Ixtlapala kipia naui tsontli maseualmej tlakamej, siuamej, okixpilmej, siualpimej uan konetsitsi. Nochi ni maseualmej nauakamanaloa uan Nokia kaxiltekakamanaloa.
KALTLAMAXTILOYA
Nika nichinko nochi konemej yaui kaltlamaxtiloya tlen ipa sempa tlamaxtilistli, ompa tlamaxtilistli uan tlen expa tlamaxtilistli. Ne siuamej nochi yaui mopaleuia kikonchiua tekitl tlen nochi altepetl ijkini eltok kuakualtsi in ojui kampa nemi, uan nokia tlauel mokuitlauia ika inkoneua, uan ne tlakamej yaui uejka ontekiti sekanok altepeko. Ne ueuentsitsi amo kisa nichinanko iuanti tekiti inimila kitoka elotl, etl, kamotli, kuaxilotl, xokotl, uan sekinok kuatlakayotl.
KUATITLAMITL
Nika tlauel tlaseseya kema ipoual seuali, pilkentsi tlatotonia, nika eltoke miaki tepetini, miak tlatini tlen ejeliui, isoke miaki tlapiyalmej kuatitla euani mistomej, totomej, okuilimej, sayolimej; onke miak atl uan nika kinchantia uakaxmej.
TIOPAMITL
Ni maseualmej tlen nichinanko nochi yaui tiopa mo tiochiua uan tlauel momatij ki elnamiki teotsitsi tlen tiopa tlajtoli, istoke maseualmej tlen ki ik amo kuitlauiya ika ni tiopankali.
ALTEPEMEJ
Nika tiuelis tipantis ninoaltepe itoka Tlanchinol, Tlanchinol kiitoskeki tlanchichinoltik pampa tokoliua ki ijtoua ke uekaya panok kuatlachinoli ipan ni altepetl uan yeka ti tokaxtike Tlanchinol.
|
