| Navegación |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| |
MARCOS LÓPEZ SANTIZ
BAYEX A PISILIK YA KALBEYEX TEBUK TE SK'OPLAL TE SLUMAL OXCHUJK'
CHOLJIBAL TE BIT'IL WEJT' TE SBI-IL TE SLUM OXCHUJK'
TE K’ALAL MATO OXCHUJKA TE SBI-ILE, YA YALIK TE MACH’A YA
SNA’IKE.YU’UN AY LA PUKUJ TE MA YAK’ TE YA SCH’I TE ALAL KERMETIKE
LEA, JANAX TE ANTSETIK BAYAL STUKELIK, AN TE WINIKETIKE TEBIKNAX
SOK CHE OXEB’ TE MACHA AYIX YIPAK AE, AN TE YANTIKE MAMALETIKIX.
JICH YU’UN LA TE METIK SANTA MARIA LAS MEL YOT’AN, BISTUK TE YA XLAJ
TE YUNTIKILE. LA SNA TE AY MACHA TE YA SMIL TE CH’IN KERMETIKE, JUL TA
STOJOL TE JA TE PUKUJ TE MA YAK’ TE YA SCH’I TE KEREM YUNTIKIL, JICH
YU’UN LA SK’NBEY TE TATIK SANTO TÓMAS, TE YA YICH TSAKEL TE PUKUJE.
TE ANTSETIKE LA SCHABANIK MUKUL K’IN TA SBI-IL TE PUKUJE, JICH YU’UN
LA YALBEYIK TE PUKUJE. TE KI’NE LAS PASIK YU’UN YA YICH’ MONEL-A TE
PUKUJE, K’ALAL K’OT YORAIL TE K’INE, MERO LEK LA SCHABANSBAIK TE
ANTSETIKE LEK TA T’UBIL AYIKA TE YORAIL-A TE K’INE, YU’UN JICH YA
LOLAYIK-A TE PUKUJE.
K’ALAL JAJCH’ TE K’INE LA YABEYIK YUCH’ TE PUKUJE YU’UN YA XYAKUB’A.
K’ALAL LE YA XYAKUBIXA TE PIKUJE, K’ANTO YA YAY KERA, TAL TE TATIK
SANTO TÓMAS, LA STSAK TSUKE, YU’UN TE ANTSETIKE MA JU’ YUNIK. K’ALAL
TSAKBILIX YU’UNA-A TE TATIK SAN TÓMAS LA YIK’BEL TA BANTI AY WOL
MUK’UL TON, LE LA SWANA-A, LA STSAK CH’AJAN OXEB’ CHUJK’ LA YAK’BEY,
PATIK LA SMIL TE PUKUJE. JICHI WEJT’ SBI-IL TE LUMAL OXCHUJK, JICH YA
YA’ANIK TE MACHA YA TO SNA’IKE. TE ORATOL K’ATBUEMIX YUNUK TE
KAXLANETIKE JA YOK’OBEYIK OXCHUC, TE MACH’ATIK YA SNIK TE SK’OPLAL
TE LUMALTIKE, JA OXCHUJK TE MERO BATS’IL SBIILE, CHEB’TO K’OP PASBIL-A
TE SBIILE, TE OX (OXEB’) SOK CHUJK. JICH WEJT’ YUNIK TE NAMEY TE
ME’TATIK TE SBI-IL TE SLUMAL OXCHUJK'E
YAYEJUL TE SLUMAL OXCHUJK'
TSELTALETIK.
TE SLUMAL TE TSELTALETIKE, YA YAL TE MACHA YA SNAIKE,
JACH’EMIK’LATEL TA SKINAL WATEMAL, JA TS’UNBALOTIK TE MAYAETIKE,
JICH YUN TALIK TA SK’INAL CHIAPAS.
TE TSELTALETIKE AY TE MACH’A JIL TA SKINAL TE OXCHUJK’E SOK
AY MACHA BAJT’IK TA YANTIK SKINAL YU’UNIX TE CHIAPASE, JICH YUN, AY
YA SJELSBA TEBUK TE SK’OPTIK. JICH NIX YA KAYBETIK STOJOL TE BELUK YA
YALIKE TE MACHATIK YA SK’OPONIK TE TSELTALE TA YANTIK SK’INAL
CHIAPAS JACH’EMTELE. TE TSELTALETIK TE JILIK TA BANTI SLUMAL TE
OXCHUJKE, JA NEEL K’OTIK LEA, TE LUMALTIKE TA NAMEY BAYAL JAWIL TE
MERO ICH’BIL TA MUK, YU’UN YA YICH’ CHABANEL K’OPETIK LEAA YU’UN TE
MUK’UL AWALELETIK, TE YAN KINAL JACH’EMIK’TELE. |
|
|
|
|
|
| |
Hoy habia 2 visitantes (3 clics a subpáginas) ¡Aqui en esta página! |
|
|
|
|
|
|
|
